WWW.NAZM.UZ Мухаббат Пардаева

Кетинг!

Кетасизми, майли бизни ташлаб кетинг,

Нега юрай юрагимни ғашлаб, кетинг.

Умидда бу - соғинса гар юрагингиз,

Асло қайтманг,  дилингизни хушлаб кетинг.

Чўкди қаддим, ололмасман ердан узиб,

Мен ғарибдан қолибсизда шунча безиб.

Қайтманг яна юрагимни эзиб-эзиб,

Карвонсарой эмас кўнглим, етар, кетинг.

Кетсангиз не, бошқасини топарман-да,

Сиз севмабсиз, ўзгасига ёқарман-да.

Ёқмасамчи?, қуёшдайин ботарман-да,

Қарамасдан ортингизга тезроқ кетинг.

Севмоқ недур.., севгини мен билмам асло,

Нега бўлсин юраккинам  сизга шайдо?

Кетақолинг бўлмасидан ғурур адо,

Муҳаббат тиз чўкмасидан кетинг, кетинг.