WWW.NAZM.UZ Мухаббат Пардаева

Дил изтироби

Жоним балки сизни эсламасман ҳам,

Йўлингизда интизор бўзламасман ҳам.

Сизнинг дилингизга озорлар берса,

Соғинчимни бошқа сўзламасман ҳам.

Қарғишдек қоронгу қора тунларга,

Сингиб йўқолмоқда туйғум, ҳисларим.

Кўзларимдан оққан аччиқ дарёга,

Чўктирмоқда мени алам-дардларим.

Юрагимни чирмаб шубҳа, гумонлар,

Ғов бўлмок истарлар орзуларимга.

Наҳотки, бахтимни айласам тортиқ ,

Ёшликда қилинган битта хатомга?

Бир куни ёнимга қайтиб келасиз.

Бездиради сизни ўткинчи ҳавас.

Менга чин севгингиз дилдан айтасиз.

Тўхтаб қолмаса бас, ўшанда нафас!

Жоним балки

                 Сизни

                         Эсламасман хам...